Әй, татар, күрәмсең,
Моңлы карыйдыр күзләре.
Әй, татар, беләмсең,
Бу шагыйрь — ил корбаны.
Илле яшь тулды аңар,
Картаймый аның җырлары.
Ялтырап анда ятадыр
Халкыбызның моңнары.
Аңлата алмабыз халкыбызның
Аһларын, моң-зарларын.
Җырлый алмам мин аларның
Күңелгә ниләр салганын.
Әйт үзең, әйтче шагыйрь!
Тыңлыйм сөалемә җавап…
Чәнечкели күңелемне уйлар,
Сын кебек торам карап.
(Чыганак: Ил йолдызы: Татар мөһаҗирләре матбугатында
Габдулла Тукай / Төз. З.Г.Мөхәммәтшин. — Казан: Татар. кит. нәшр., 2006.
— 190 б.)).