ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

G.Tukay Ädäbi muzeena säyäxät 4 zal: Säyäxätlär


Ğomereneñ Qazanda yäşägän yıllarında G. Tukayğa şaqtıy säyäxät itärgä turı kilä. Ul Arça öyazeneñ Qırlay, Quşlawıç, Öçile, Qayınsar, Ätnä kebek awıllarında, Sember öyazeneñ Gur’yevqa посёлогында, Tübän Novgorod şähärendäge Mäkärcä yärminkäsendä, Ästerxan, Samara, Ufa, Peterburg, Troitsk kebek şähärlärdä bula.Üpkäsendä köçle туберкулёз awıruı buluğa karamastan, şağir icadi eşçänlegen  däwam itä.

Zalnıñ türendä — şağirneñ Peterburgqa barğaç istälek öçen satıp alğan qarandaş sawıtı. Älege suwenir şähärneñ 200 yıllığı uñayınnan çığarılğan bula.

1913 yılnıñ 26 fevralendä (iske stil’ belän) yazmış G. Tukaynı Klyaçkin xastaxanäsenä kiterä. Näq  änä şuşı xastaxanädä uzğan soñğı könnären çağıldırğan fotolar ekspozitsiädä urın alğan. 1913 yılnıñ 2 aprelendä (iske stil’ belän), yaña stil’ belän 15 aprel’dä, 27 yäşendä şağirebezneñ ğomere özelä. Anı kümgän köndäge xalıqnı Qazan uramnarınıñ äle kürgäne bulmağandır.

G. Tukaynıñ ülemennän soñ, dusları üteneçe buyınça, 1913 yılnıñ 3/16 aprelendä şağirneñ yözennän töşerelep gipstan yasalğan bitlek – muzeynıñ unikal’ eksponatlarınnan berse. Anı 1958 yılda Mölekov digän Almata şähäre keşese SSSR Qazan fännär akademiäseneñ Tel, ädäbiät häm tarix institutına tapşıra. Aña bitlekne 30 nçı yıllarda Orenburg şähärendä Borhan Şäräf birep qaldırğan bulğan. Soñraq ul TRnıñ däwlät muzeena tapşırıla häm, ozaq waqıtlar anda saqlanğannan soñ, 1988 yılda G. Tukay ädäbi muzeenda urın ala.


Kommentariy yazarga


*