ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

Dias Väliev (1938)


Dias Näzıyx ulı Väliev 1938 elnıñ 1 iyulendä Arça töbägeneñ Kazanbaş avılında tugan.

Dias Väliev rus telendä yazsa da fäkat tatar keşesendä genä bula torgan rux azatlıgı, küñel xörlege koçagında yaşi häm icat itä. Bigräk tä «Bakıylıkka öç säfär», «Öçençe adäm yaisä kük iyase», «Min» esse-romannarında açık çagılış taba anıñ üzençälekle fälsäfäse.
Belgeçlege buença geolog. Ul 1956 elnı urta mäktäpne tämamlagaç, Kazan däülät universitetınıñ geologiya fakultetında ukıy. Student çagında uk törle ekspedisiyalärdä katnaşa. Ozak vakıt cir baylıkların tabu häm däülätkä tapşıru eşe belän şögıllänä. Ämma şuña da karamastan yazuçılık belän şögıllänä. G.Axunov, G.Bakir, R.Bakirov häm başkalarga tigän «Kazanbaş cene» — yazuçılık annan da çitlätep uzmagan, küräseñ.
Çäçmä äsärlär yanına anıñ şaktıy gına şaulagan pesaları da kilep kuşıla. «Namus xökeme» 1971 elda G.Kamal isemendäge Tatar däülät akademiya teatrı säxnäsendä kuela. Ikençe pesası — «Dävam» buença spektakl aldan Kazanda (1972 elda), annan Mäskäüdä (1973 elda), soñrak ilneñ 40tan artık teatrında kuela. 1976 elda «Dävam» äsäre öçen Dias Välievkä Gabdulla Tukay isemendäge Däülät büläge birelä.
Yazuçınıñ icatı yugarı bäyalänä. Ul Tatarstannıñ (1981 elda) häm «Rossiyaneñ (1983 elda) atkazangan sängat eşpeklese» digän şäräfle isemgä laek bula.



Arça töbägeneñ kürenekle şäxesläre:

Gabdennasıyr bine Ibrahim bine Yarmöxämmäd bine Iştirä (1776–1812) >>>
Şihabetdin bine Bahautdin äl Märcani (1818-1889) >>>
Gabdulla Tukay (1886-1913) >>>
Galiäsgar Kamal (1879–1933) >>>
Mäxmüt Galäü (1886–1937) >>>
Gomär Bäşirov (1901-1999) >>>
Möxämmät Mähdiev (1930–1995) >>>
Garif Axunov (1925–2000) >>>
Mostafa Nogman (1912–1976) >>>
Dias Väliev (1938) >>>
Märziya Fäyzullina (1930) >>>

Tukay yagı — Arça! >>>

Kommentariy yazarga


*