ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

Möxämmät Mähdiev (1930–1995)

 


Yazuçı Gomär Bäşirovnıñ ikençe böek yazuçıbız Möxämmät Mähdievkä täesire şöbhäsez.

«Möxämmät argamakları» — gacäep roman, povestlar (1930-1995) Arça töbägeneñ Göberçäk avılında tua.
Möxämmät Mähdiev Gomär abıynıñ kiyave bula. Kiñ küñelle, tiz aralaşuçan Möxämmät xälfä böek babasın ixlas yarattı häm anıñ tänkıyt süzlärenä dä kolak salgan bulsa kiräk. Ämma şunı da äytik, talantlı kiyave kiñäşlären Gomär aga da inkar itmägän bulsa kiräk.
M.Mähdiev ädäbiyatta täüge adımnarın tänkıytçe bularak başlap cibärde. Kiñ erudisiyale, ul Arça pedagogiya uçiliçesın häm Kazan däülät universitetınıñ tarix fakultetında belem algan, aspirantura tämamlagan, filologiya fännäre namzatı, dosent däräcäsenä ireşkän yazuçıbız. Ä çäçmä äsärlär yazuçı bularak 60 nçı ellarda gına açılıp kitte. «Bez — kırık berençe el balaları» poveste dönyaga zur yazuçı kilgänen xäbär itüçe äsär buldı disäk, yalgış bulmastır.
Annarı ukuçılar talantlı roman, povestlarnı kötep kenä toru belän çiklänmi, sorap ala başladılar. Möxämmät Mähdievneñ kaläme eldan-el şomardı, çarlandı häm bersennän-berse mavıktırgıç şigri tel belän yazılgan äsärlär ukuçı küñelenä señä bardı. Möxämmätneñ äsärläre çista, saf agımsuday küñellärgä üzennän üze agıp kerä bardılar. «Frontoviklar», «Keşe kitä — cırı kala», «Kaz kanatları», «Tornalar töşkän cirdä» povestları, «Mäñgelek yaz» romanı, «Ut çäçäge», «Isänme, Käşfi abıy» isemle gacäep äsärläre belän ul tatar ädäbiyatınıñ algı safına basa.
Näser äsärlärne şigri, näzım tel belän yazuçı siräk talant iyase ul — Möxämmät Mähdiev. Anıñ berkemne dä kabatlamıy torgan üz stile bar.
Möxämmät Mähdiev 1930 elnıñ 1 dekabrendä Arça töbägendäge Göberçäk avılında tugan. Häm vafat bulgaç ta vasıyate buença şul avıl ziratında kümelgän.
Tatarstannıñ G.Tukay isemendäge Däülät premiyase laureatı.


Arça töbägeneñ kürenekle şäxesläre:

Gabdennasıyr bine Ibrahim bine Yarmöxämmäd bine Iştirä (1776–1812) >>>
Şihabetdin bine Bahautdin äl Märcani (1818-1889) >>>
Gabdulla Tukay (1886-1913) >>>
Galiäsgar Kamal (1879–1933) >>>
Mäxmüt Galäü (1886–1937) >>>
Gomär Bäşirov (1901-1999) >>>
Möxämmät Mähdiev (1930–1995) >>>
Garif Axunov (1925–2000) >>>
Mostafa Nogman (1912–1976) >>>
Dias Väliev (1938) >>>
Märziya Fäyzullina (1930) >>>

Tukay yagı — Arça! >>>

Kommentariy yazarga


*