ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

Söembikä DASAEVA Gabdulla TUKAYGA (Berençe bäet)

Kuşlavıç digän avılda Tukay tua
Sabıy çaktuk ätise ülep yatim kalgan.
Änkäse Sosna avılına kiyaügä bara,
Şärifä äbi Gabdullanı asırap ala.
Öçençe yaş bulgan çakta Gabdullaga
Änkäse üz yanına dip çakırıp ala.
Şatlıklı kön Gabdullada bik az bula, –
El digändä änkäsez dä, yatim kala.
Mesken sabıy, Sosna digän avıldan
Babası torgan avılga ozatalar.
Ul avıl keçkenä bulgan, Öçile digän.
Babasında ul cidençe tamak bulgan,
Ügi äbi Gabdullanı yaratmagan,
Açtan tuñıp elasa da yuatmagan.
Avıllardan telänep kaytıp aşatsa da,
Ügi äbi gailäsenä ul sıymagan.
Ügi äbi Gabdullanı etkän-törtkän,
Öydän-öygä kisäk sorarga öyrätkän.
Çäçäk belän zägiflänep avırganda;
Ülsäñ ber tamak kimer ide — dip äytkän.
Ügi äbi babasına kiñäş birgän;
Gabdullanı yamçik belän ozatıyk, — digän
Yamçik   anı Kazan şähärenä iltep,
Peçän bazarında asrauga birgän.
Gabdullanıñ yaña ätise — Möxämmätväli,
Ä Gazizä — Gabdullaga yaña äni.
Tik ike el Gabdulla räxät yaşi,
Äti-äni allı-artlı avıra başlıy.
Bezdän dä yatim kalmasın dip alar,
Gabdullanı babasına kire ozatalar.
Baba belän ügi äbi uylaşalar;
Inde kaya cibärik, – dieşälär.
Kırlay isemle avıldan Sägdi digän
Alıp kitkän Gabdullanı üz öenä.
Yaña ätise Gabdullanı jällägängä,
Uynarga da kuşkan aña üz köenä.
Dürt el torgaç, Gabdullaga tula un yaş,
Ukıgan da, eşlägän dä tamak tuygaç.
Ätise dä, änise dä kanägatlängän.
Gabdullanıñ tärtiple bulganın kürgäç.
Ber könnärdä Uralsk şähärennän
Anı ezläp mosafir Bädretdin kilgän.
Gabdullanı niçä ellar üz apası,
Ezläp, menä sezdä taptık, inde digän.
Äti-äni Bädretdinne tirgägännär,
Kayda bulgan ul bay apası, digännär.
Ä Bädretdin zamananıñ zakonnarın belgän,
Zakon belän Gabdullanı alıp kitkän.
Äti-äni Gabdullanı ozatıp kalgan,
At çanaga Gabdulla da utırıp algan.
Üz apası şatlık belän karşı algan,
Tukay şulay tuk tormışta torıp kalgan.

1995 el, aprel

(Çıganak: S.Dasaeva. Can avazı. – Ästerxan. – 2000).


Kommentariy yazarga


*