ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

“Söykemle Şüräle”gä – 5 yäş!  

 


2014 yılnıñ 20 mayında Qazan şähäreneñ G.Tukay ädäbi muzeenda böek tatar şağireneñ icatın kiñräk öyränügä häm dekorativ-ğamäli sänğat’ne üsterügä bağışlanğan “Söykemle Şüräle” xalıqara konkursınıñ öçençe saylap alu turı uzdı. Muzeynıñ kürgäzmälär zalında urnaşqan 120гђ yaqın icadi eşne konkursnıñ märtäbäle jyuri äğzaları – “Aq qalfaq” tatar xatın-qızları ictimaği oyışması räise Kadriä İdrisova, sänğat belgeçläre — Älfiä Cämilewa, Alsu Timerğalina, Svetlana Gorbuzova, Liliä Siracetdinova bäyäläde.

Tatarstan Respublikası rayonnarınnan häm Rossiäneñ Perm kraennan, Ästerxan, Sarıtaw ölkälärennän kilgän eşlär 7 törle nominatsiädä (sänğat’le çigü, bäyläw, tuqımada yazu, künne sänğat’le eşkärtü, ağaçnı sänğat’le eşkärtü, kiezdän eşlänmälär, xalıq uyınçığı: keçkenä formadağı skul’pturalar yasaw) köç sınaştı. İñ yaxşı icadi eşlärne Tukay muzee kürgäzmäsendä 28 mayğa qadär kürergä mömkin.

“Söykemle Şüräle” xalıqara konkursında ciñü yaulağan 60 uquçı 1 iyun’dä – Xalıqara balalarnı yaqlaw könendä “Äkiät” tatar däwlät qurçaq teatrında uzaçaq büläkläw tantanasın tamaşa qılaçaq. Bıyıl “Söykemle Şüräle”neñ yubiley yılı da äle: älege konkurs Tatarstan Respublikası Mädäniät ministrlığı fatixası belän 5 yıl elek uzdırıla başladı.

 

Oyıştıru komitetı


Kommentariy yazarga


*