ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

Tukay muzeenda Sabantuyı mizgelläre


2014 yılnıñ 10 iyunendä Qazannıñ G.Tukay ädäbi muzeenda “Sabantuy mizgelläre” isemle kürgäzmä açu tantanası uza. Kürgäzmä G.Tukay ädäbi muzeenıñ açıluına 28 yıl tulu uñayınnan oyıştırıla.
Gabdulla Tukay ädäbi muzee tatar dönyasınıñ mädäniät uçağı bulıp yäşäwen däwam itä: biredä törle yäştäge qunaqlar öçen ekskursiälär, ädäbi oçraşular, qızıqlı leksiälär, balalar öçen G.Tukay äsärläre personajları belän muzıykal’ tamaşalar h.b. çaralar yış uza. Uzğan yılğı “Berzaman bardım peçän bazarına…” dip atalğan kürgäzmä G.Tukaynıñ “Peçän bazarı, yaxud Yaña Kisekbaş” äsärenä nigezlänsä, çirattağı kürgäzmä tatar xalqınıñ milli bäyräme – “Sabantuy”nı  çağıldırunı maqsat itä.
Sabantuy bäyräme – tatar xalqınıñ milli bäyrämnäreneñ berse. Ğasırlar däwamında millät tormışında yäşäp kilgän bu kürkäm yola G.Tukaynıñ “İsemdä qalğannar” (1909) äsärendä dä açıq surätlänä: “Ber yaqtan saban tuyı başlığı da, qulına ber tayaq başına çüpräk taqqan äläm totıp, öy sayın yaulıq, sitsa kebek närsä cıyıp yöri ide. Bez, yalanayaqlı malaylar, anıñ artınnan ber dä qalmıyça cögerä idek. Çüpräklär, yaulıqlar cıyılıp tämam bulğaç, böten awıl xalqı: xatın-qızı, bala-çağası bolınlıqqa töştelär. Köräşlär, uzışular başlandı…”  G.Tukay icatınıñ milli yolalar, xalıq icatı belän bäyle buluı – bäxässez.
Kürgäzmädä tanılğan rässamnarnıñ älege milli bäyrämneñ borınğı häm bügenge suräte çağılış tapqan sänğat äsärläre urın alaçaq. Biredä Milli muzey fondlarında saqlana torğan Rawil Zahidullin, Rafael’ Bahavetdinov, İldar Äxmädiev, Abrek Abzgil’dinnıñ äsärläre belän berrättän, şäxsi tuplanmalardan alınğan Rifqat Vaxitov, Qanäfi Näfıykov häm başqa rässamnarnıñ xezmätläre täqdim itelä.

Gabdulla Tukay ädäbi muzee


Kommentariy yazarga


*