ТАТ РУС ENG LAT
Gabdulla Tukaynıñ danlıklı “Şüräle”sen bügen dönyanıñ unbiş millät balası ukıy ala. Tatar şagıyreneñ älege äsären xäzer garäp balaları da ukıy ala....

Tukay premiäse tapşırıldı

 


Yıl sayın 30 avgust – Qazan şähäre häm Tatarstan Respublikası könendä tatar başqalasında Gabdulla Tukay isemendäge Däwlät premiäse laureatları büläklänä. 2014 yılnıñ 30 avgustında Tatarstan Prezidentı Röstäm Miñnexanov ädäbiät häm sänğat ölkäsendäge iñ däräcäle premiäne 2014 yıl laureatlarına – yazuçı Waxit İmamovqa häm rässam Vladimir Popovqa tapşırdı.

Älege tantanalı waqiğa, traditsiä buyınça, Qazan şähäre üzägendä — G.Qamal isemendäge Tatar däwlät akademiä teatrı qarşında uzdı. Bu qoyaşlı köndä çäçäk tütällärenä kümelgän, fontannar uynap torğan teatr mäydanında bäyräm säxnäse görläde. Tamaşaçılar arasında tübätäyle abzıylar, qalfaqlı apaylar, tösle şarlar totqan bala-çağa küp ide. Ğarmunnarın kütärep kilgän Qazan ğarmunçıları xalıq arasına çığıp, tatar köylären uynap biette. Ä muzıykant Robert Garipov ğarmunğa bitaraf qalmağan keşelärne Qazannıñ Ximiklar mädäniät sarayında üze citäklägän ğarmunçılar klubına ostalıq çarlarğa çaqırdı. Şul uq waqıtta säxnädä respublikanıñ xalıq artistı Ayrat Xämitov citäkçelegendäge Tatarstan cır häm biyu ansamble häm Tatarstannıñ xalıq artistı Aydar Fäyzraxmanovnıñ Fol’klor muzıqa ansamble cırçıları häm biyuçeläre, tanılğan tatar artistları çığış yasadı, Tukay şiğırläre yañğıratıldı. Bäyräm qunaqları arasında şuşı könnärdä Qazanda ütkän törki telle ädäbi jurnallar forumında qatnaşuçı Törkiä, Üzbäkstan, Äzerbaycan, Qazaxstan, Kosovo, İran, Ğiraq illäre, Dağıstan, Başqortstan häm Qırım töbäkläre ädäbiätçıları da bar ide.
Tatarstanlılarnı, başqala qunaqların bäyräm belän täbrik itep, Tatarstan Prezidentı Röstäm Miñnexanov ağımdağı yılda respublikanıñ sotsial’-iqtisadi tormışında bulğan möhim waqiğalarnı iskä aldı. «Bolar barısı — töbäkneñ üseşen tä’min itü yunäleşendä ezlekle eşçänlek alıp barunıñ näticäse», — dip assızıqladı Prezident. Tukay premiäsen isä ul mädäniät ähellärenä tapşırıluçı, alarnıñ xezmäten bäyäläwçe iñ yuğarı büläk dip atadı.
Mäğlüm bulğança, G.Tukay bülägeneñ 2014 yılğı laureatları isemnäre Tatarstan Prezidentı Ukazı nigezendä 26 aprel’dä — şağirneñ tuğan könendä oyıştırıluçı Şiğriät bäyrämendä iğlan itelgän ide. Ä menä premiäneñ istälekle medalen Prezident üz qulları belän laureatlarnıñ tüşenä Respubliqa könendä taqtı. Bıyıl «Utlı dala» isemle ike tomlı tarixi romanı öçen däwlät bülägenä Tatarstannıñ atqazanğan mädäniät xezmätkäre, Çallı şähäreneñ yazuçılar oyışması räise, «Mäydan» jurnalı baş möxärrire 60 yäşlek Waxit İmamov layık buldı. Dokumental’ çığanaqlarğa tayanıp, tatar xalqı tarixına bağışlanğan äsärlär yazuçı, bügenge köndä 15лђп kitap avtorı Waxit İmamov bäyräm säxnäsendä laureatlarğa süz birelgäç: «Yazuçı, tuğan xalqı bäxetle bulğanda ğına üzen bäxetle toya. Xalqım kiläçäktä dä üzeneñ Tukay telen, mädäniäten, ädäbiätın saqlasın, berdäm ğailä bulıp yäşäwdän tuqtamasın ide. Min barısı öçen dä millätemä räxmätle», – dip söyläde ul.

Soñğı 25 yılda könçığış kalligrafiä sänğate ürnägendä 500дђн artıq tuğra häm şamaillär icat itkän 90 yäşlek rässam, Tatarstannıñ xalıq rässamı, Böek Watan suğışı veteranı, suğıştan küpsanlı orden häm medal’lär belän qaytqan Vladimir Popov ta tatar cirendä üzençälekle xezmätlärenä zur iğtibar birelüenä räxmätlären belderep, anıñ icatı dönyada tınıçlıq qimmätlären taratu burıçın totuı xaqında äytte.
Tatarstanda tatar şağire Gabdulla Tukay isemendäge däwlät premiäse buldırılğanğa inde 56 yıl. Bäyrämdä elekkege yıllarnıñ laureatları — ütkän çorlarnıñ mäşhür şäxesläre dä iskä alındı. Alarnıñ icatı küptän inde tatar mädäniäte xäzinäsen täşkil itä. Säxnädäge zur ekranda 60нчы, 70нче, 80нче, 90нчы häm 2000нче yıllarda Tukay bülägenä layık bulğan şäxeslärneñ isemnäre häm fotosurätläre kürsätelde. Tatarstannıñ xalıq artistları Geogriy İbuşev, Röstäm Zakirov, Rezeda Galimova, G.Tukay isemendäge Tatar däwlät filarmoniäse solistı Gölnara Baynazarova Tukay premise laureatları isemnären yörtkän şağir häm kompozitorlarnıñ moñlı cırların başqardı.

Liliä ĞADELŞİNA. Soltan İSXAKOV fotoları


Kommentariy yazarga


*