Казанда Г.Камал исемендәге Татар дәүләт академия театрының яңа бинасында күрсәтеләчәк беренче спектакль – «Казанга Тукай кайткан» (12+) пьесасы булачак. Ул тамашачыларга 2025 елның 1 һәм 2 мартында, бинаның универсаль залында тәкъдим ителәчәк.
Әлеге пьесаның авторы – шагыйрә Резеда Гобәева (Зәйниева), режиссеры – Айрат Җәббаров. Төп рольдә – Габдулла Тукай ролендә – Татарстанның атказанган артисты Эмиль Талипов.
Театраль әсәр шагыйрь һәм легендар шәхес Габдулла Тукай (1886-1913) турында. Спектакльнең премьерасы 2024 елның 2 маенда булган иде.
17.02.2025.