Студентларның географиясе киң. Төрекмәнстан, Үзбәкстан, Казахстан, Кыргызстан, Таҗикстан, Кытай, Мисыр, Индонезия, Корея, Төркия һәм Монголиядән күчеп килүчеләр бар. Мондый студентларның 450се — контракт нигезендә, бишесе дәүләт биргән квота нигезендә укыячак.
Чит илдән булган укучылар арасында бөек татар шагыйребез фамилиясен йөртүче студент та бар икән. Г. Тукай исемендәге милли мәдәният һәм мәгариф югары мәктәбе деканы Рамил Миргаҗитов Татар әдәбияты кафедрасына Тукай фамилиясендәге студентны кабул итүләре турында әйтте. Ул Төркиядән килгән.