ТАТ РУС ENG

Файдасыз җумартлык

Яңгырсызлык берлә комга әйләнгән болынлык, игенлекләр өстеннән бер зур Болыт үтеп китеп, бер Диңгезгә барып, бик озак яуды да үзенең җумартлыгы илә шул тирәдәге Тауга мактана башлады.

Тау моңар каршы: «И Болыт, Болыт! Диңгездә синнән башка да су күп; син, Диңгезгә яумыйча, менә бу корып, кибеп беткән сахраларга яусаң, никадәр кешеләрне ачлыктан коткарыр идең; җә инде, синең бу җумартлыгыңнан бер-бер җан иясе файдаландымы?» — диде.

 

(Чыганак: Тукай Г. Сайланма әсәрләр: шигырьләр, поэмалар һәм чәчмә әсәрләр. – Казан: Татар. кит. нәшр., 2003. – 480 б.)

Г.Тукайның тормыш һәм иҗат елъязмасы: 1906 ел

 


 

Комментарий язарга


*