Шем тӱтан ден петырналте кенета кумда кава,
Лум чӱчка, лум пӱргалтеш, лум ажгынен пӧрдеш, тава.
Лум чурийым коштара, да петыра шинчам, умшам,
Кажне вондым шучко пире семын корныштем ужам.
Тамыкым сеҥен да ир пораным, тылзе тул йолга.
Но тудат лӱдеш тыгай тӱтан деч, угыч шапалга.
Могайрак кундем гыч, мӱндыр, тора вер гычын молан
Шып ласка кугорныш иканаште керылтын поран?
Я йомак джинн-влак Каф курык гыч воленыт таҥасен,
Я Аллахын пушкыдо тӧшакше кушкедалт каен.
Кава мучко тич лум пырче — ты тӧшак гыч ош пун-влак,
Мланде валне нуным джинн-влак кучынешт, поктат умбак.
1912
Маричага С.Григорьева тәрҗемәсе (Г.Тукайның "Буран" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш, удмурт, мари телләрендә). — Казан: Татар. кит. нәшр., 2011. – 135 б).