Габдулла Тукайга багышланган интернет-портал

Баш бит

Тукай феномены

Гомуми татар әдәбияты өчен Тукайның әһәмияте никадәр зур булса, балалар әдәбияты бабында да шулай ук зур булды. Тукай бер яктан татар шигыренең атасы булса, икенче яктан, шөбһәсез, татар телендәге балаларга махсус әдәбиятның да башлап тудыручыларыннан хисапланырга тиеш. Бөтен хәзерге татар шагыйрьләре азмы-күпме Тукайның шәкертләре һәм рухани балалары булганы шикелле, елдан-ел үсеп килә торган татар балалары да аның шәкертләредер. Тукай - мөгаллим, Тукай - тәрбияче; ун елдан бирле һәрбер төрле яктан тәкъдир ителсә дә, әле моңар кадәр аның шушы җәһәтенә кирәгенчә игътибар ителгәне юк иде бугай.

Тукай - мәктәптә

Фәрхәт Зыятов

Тукай Өчиледә

Һәр язда киң җәмәгатьчелек вәкилләре бөтен татар халкын дөньяга таныткан халкыбызның бөек шагыйре Габдулла Тукайның туган көнен зурлап билгеләп үтә. Шул уңайдан безнең Татарстанның Арча районында шагыйрь туган, торган һәм яшәгән авылларда да әлеге олуг бәйрәмгә зур әзерлек эшләре алып барыла. Әйтик, ул дөньяга беренче тапкыр аваз салган Кушлавычта һәм “дөньяга күзем ачылган урын» дип атаган Яңа Кырлай авылында бу лаеклы датаны каршылау өчен әзерлек эшләренең бер көн дә туктап торганы юк. Сүз дә юк, милләтебез горурлыгы булган бу бөек шәхес моңа бик тә, бик тә лаек. Олуг бәйрәм мөнәсәбәтләре илән укучылар белән шагыйрь тормышында яктыртылып бетмәгән кайбер мәсьәләләр хакында фикер уртаклашасым килә. “Яктыртылып бетмәгән мәсьәләләр”, дигәнем Тукайның Өчиле авылындагы яшәеше белән бәйле вакыйгалар хакында.

Вакыйгалар

Тукай шигърияте теле – Интернет–сүзлектә

Интернетта Габдулла Тукай шигърияте теле буенча үзенчәлекле сүзлек пәйда булды. Ул Казан дәүләт университеты рәсми сайтында урын алды: http://www.klf.ksu.ru/tukay/indext.htm. Әлеге сүзлек - бөек татар шагыйре Габдулла Тукайның (1886—1913) шигъри әсәрләре материалларын тасвирлаучы белешмәлек комплексының Интернет-компоненты (Интернет-сүзлеге) булып тора.

Төрки дәүләтләр фоторәссамнарының иҗат лабораториясе ачыла

10 июньдә Казанда төрки илләрдән килгән фоторәссамнарның VII Иҗат лабораториясе эшли башлый. Бу эш шагыйрь Габдулла Тукай тууына 125 ел тулуга әзерлек һәм Татарстанда Сабантуй бәйрәмен үткәрү кысаларында оештырыла. ТӨРЕКСОЙ халыкара оешмасы 2011 елны Тукай елы дип игълан итте. Фоторәссамнарның очрашуы шул чараларга әзерлек буларак үткәрелә. Аның нәтиҗәләре буенча “Тукай урыннарында” дип исемләнгән каталог дөнья күрер дип көтелә.

Мәскәүдә татар шагыйре Габдулла Тукайга һәйкәл куелачак

Мәскәүдә татар шагыйре Габдулла Тукайга һәйкәл куелачак. Бу турыда шәһәр мэры Юрий Лужков махсус боерык чыгарды. Һәйкәлне Мәскәүгә Татарстан Республикасы Мәдәният министрлыгы бүләк итте. Аны Новокузнецк урамында урнашкан Татар мәдәни үзәге янында кую планлаштырыла. Г.Тукай һәйкәлен сынчы Сергей Щербаков ясаган.

По-русски / Latinda / English

Без - Тукайлы халык!

Татарстанның атказанган сәнгать эшлеклесе,

язучы Зиннур Хөснияр:

Тукай турында фикереңне бер–ике җөмлә белән генә әйтеп бетерү мөмкин түгел. Шунысы куандыра, Тукай безнең бәхеткә Ходай тарафыннан татар булып иңдерелгән илаһи зат. Тукайның популярлыгының сере – ул туган халкының шатлыгын һәм кайгысын тоеп яшәгән шагыйрь <...>

Мин Тукайга киләм...

Газинур Морат

Тукай

Нинди уйга чумдың әле,
Әй, газиз кәгъбәм минем.
Менә тагын яныңа мин
Сәҗдә кылырга килдем.

Горур Тарих баш игәнне,
Кем башын имәс сиңа?!
Ил-халкының юанычы,
Күз яше димәс сиңа?!

«И туган тел, и матур тел», -
Син бит бердәнбер догам.
Шул догадан шәҗәрәмне
Аера күрмәсен Ходам.

Аера күрмәсен халкымның
Мөкатдәс моңнарыннан.
Чичән бабамнар ядкаре -
Саз, гөслә кылларыннан.

Кемгә нинди бизмән тиеш,-
Замана үзе белә.
Киләчәккә бара халкым
Синең фатихаң белән.