Г.Тукай "Татар кызларына" (Гөлчәчәк көе)

1. Сөям сезнең сызылган кашыңызны, Тузылган сачеңезне, башыңызны. Яратам тәмле, татлы сүзеңезне, Зөбәрҗәт төсле якты күзеңезне. Кушымта: Сөям, сөям, Сөям, яратам! 2. Сөям кәүсәрдән әхля* ир...

вакыйгалар

Раил СӘЙФУЛЛИН Г. Тукай һәм татар инструменталь музыкасы

Татар профессиональ музыка сәнгатенең үсешенә Тукай иҗаты зур этәргеч ясады. Тукай әсәрләре йогынтысында эчтәлегенең тирәнлеге ягыннан иң югары таләпләргә җавап бирә алырлык музыкаль әсәрләр барлыкка...
Тулырак

1. Сөям сезнең сызылган кашыңызны,
Тузылган сачеңезне, башыңызны.
Яратам тәмле, татлы сүзеңезне,
Зөбәрҗәт төсле якты күзеңезне.

Кушымта:

Сөям, сөям,
Сөям, яратам!

2. Сөям кәүсәрдән әхля* ирнеңезне,
Бу мактауга ризалык бирдеңезме?
Сөям кысмыйча нечкә билеңезне.
Ничек дисәм дә аз тәмсилеңезне**.

Кушымта.

3. Сөям сезнең әдәп-инсафыңызны,
Егет кулы тиюдин сафыңызны.
Яратам тәмле, татлы сүзеңезне,
Зөбәрҗәт төсле якты күзеңезне.

Кушымта.

* Әхля – татлырак.
** Тәмсилеңезне – охшатуыгызны.