Тукайның 150 еллыгы федераль дәрәҗәдә билгеләп үтеләчәк
Россия Президенты Владимир Путин татар әдәбияты классигы Габдулла Тукайның 150 еллыгын бәйрәм итүне оештыру турындагы Указны имзалады.
2036 елда Габдулла Тукайның (1886-1913) тууына 150 ел тулачак. Россия Президенты Владимир Путин татар әдәбияты классигы юбилеен бәйрәм итүне федераль дәрәҗәдә оештыру турында Указ чыгарды. Ил башлыгының 2026 елның 8 маенда имзаланган әлеге указы хокукый актларны рәсми бастырып чыгару порталында урнаштырылган. Элегрәк Татарстан Рәисе Рөстәм Миңнеханов Габдулла Тукайның 150 еллыгын федераль дәрәҗәдә билгеләп үтәргә тәкъдим иткән иде.
Указ нигезендә, РФ Хөкүмәте татар шагыйренең 150 еллыгын бәйрәм итү һәм әзерләү буенча оештыру комитеты төзергә һәм аның составын расларга тиеш.
Моннан тыш, Хөкүмәткә классикның юбилеен әзерләү һәм бәйрәм итү буенча төп чаралар планын эшләүне һәм раслауны тәэмин итәргә кирәк.
Төбәкләрнең хакимият органнарына һәм муниципаль хакимиятләргә тиешле чараларны әзерләүдә һәм уздыруда катнашырга тәкъдим ителде.
9.05.2026.
