* * *
Сәгатьләр келт-келт итәдер, төн уртасы җитәдер;
Йокласа да курка, мескин, — исрек ирен көтәдер.
(*** («Сәгатьләр келт-келт итәдер, төн уртасы җитәдер…»). — «Ялт-йолт»ның 1910 елгы 14 нче (1 октябрь) санында «Гаилә сәгадәте» дип исемләнгән рәсем-карикатура асты итеп имзасыз басылган. «Яшен ташлары»нда (1) барлык «көлтәләр»не бергә туплап, бер баш астында биргәндә, бу икеюллык та урнаштырылган. Текст «Ялт-йолт»тан алынган.
Рәсем-карикатурада калфаклы бер хатын ялгызы гына чәй эчә, читтәрәк самовары кайнап утыра. Стенадагы сәгать берне күрсәтә. Урындыкта бала, ире өйдә юк. (Чыганак: Әсәрләр: 6 томда/Габдулла Тукай. – Академик басма. 2 т.: шигъри әсәрләр (1909–1913)/ төз., текст., иск. һәм аңл. әзерл. З.Р.Шәйхелисламов, Г.А.Хөснетдинова, Э.М.Галимҗанова, З.З.Рәмиев. – Казан: Татар. кит. нәшр., 2011. – 384 б.)).