Казанда никах мәҗлесе 

Яхшы гына зур бер мәҗлес. Мәҗлеснең бер түрендә Сәмәнетдин хәзрәт, икенче түрендә Мөштәри хәзрәт утырганнар да, берсе никах укый, берсе бу рәвешчә иҗабе кабул сүзләрен әйтә: «Син, кем, Әхмәдһади Максуди, Биби Кәүкәбел-фәна Календаретдин кызыны, вәли-вәкил булып, «Азад»етдин бине Социалистетдин угылына бирдеңме?» , — Бирдем, хәзрәтләр! Бирдем.
— Ә син, мулла Галиәсгар Камалетдин угылы, вәли-вәкил булып, «Азад»етдин Социалистетдин угылына «Кәүкәбел фәна» Календаретдин кызыны алдыңмы?
— Алдым, алдым.
Хәерле булсын Хәмидәнең никахы!

Сәмәнетдин — акча яратучы.
Мөштәри — сатып алучы, подписчик.
Иҗабе кабул — өйләнешүчеләрнең алу-барулары турында ризалыкларын белдерүләре.
Кәүкәбел фәна — зәгыйфь йолдыз.