Тукай дөньясы

Шәүкәт Галиев Тукай васыяте

Соңгы сулышта, Үләр алдыннан, Шагыйрь васыять Әйтеп калдырган: – Әсәрләремнән Килер акчага Тәрбияләгез Бер ятим бала... Ул чак бу теләк Үтәлми кала, Ачтан үлгәндер Ярдәмсез бала......

вакыйгалар

Рифкать ХИСМӘТ. Мәхәббәт

/Тукайга багышланган шигырьләр/

Тулырак
Соңгы сулышта,
Үләр алдыннан,
Шагыйрь васыять
Әйтеп калдырган:

– Әсәрләремнән
Килер акчага
Тәрбияләгез
Бер ятим бала...

Ул чак бу теләк
Үтәлми кала,
Ачтан үлгәндер
Ярдәмсез бала...

Җуйдыртмады җыр
Ул васыятьне,
Тормышка ашты
Шагыйрь нияте;

Шигърият дигән
Гүзәл дөньяда
Үстерә Тукай
Меңләгән бала!


Февраль, 1967


(Чыганак: Галиев Шәүкәт Сайланма әсәрләр. 5 томда, 1 том. – Казан: Татар. кит. нәшр., 2002. – 480 б.)

    Комментарий уңышлы модерация узганнан соң килеп чыгачак. Гадәттә ул берничә минут вакытны ала.

    Комментарий язарга

    Укыгыз