Шагыйрьнең юбилеена Тукаевлар музей-йорты ремонтланачак

Татарстанның Арча районы Кушлавыч авылындагы  Тукаевлар музей-йортына капиталь ремонт ясалачак. ТР Мәдәни мирас объектларын саклау комитеты мәгълүматлары буенча, экспертлар төзекләндерү эшләрен үткәрүгә уңай бәяләмә биргән.

Тукаевлар йорты музей буларак, Габдулла Тукайның (1886-1913) әтисе – Мөхәммәтгариф мулла йорты торган урында 1995 елда торгызыла. Аны 2026 елга – шагыйрьнең 140 еллыгына кадәр яңартырга планлаштырыла.

04.10.2023. Tatar-inform.ru