Тукай әдәби музее «Милли моңнар» бәйгесен игълан итте
Музыкаль бәйге Казанда Туган тел көне алдыннан үткәрелә.
Татарстан Милли музее филиалы – Казандагы Габдулла Тукай әдәби музее бөек татар шагыйре сүзләренә язылган җырлардан торган «Милли моңнар» конкурс-концертын әзерли. 2026 елның 26 апрелендә билгеләп үтеләчәк Туган тел көненә һәм Габдулла Тукайның 140 еллыгына багышланган концертта һәркем катнаша ала, дип хәбәр итә «Татар-информ» МА.
Бәйрәмдә чыгыш ясау хокукына ия булу өчен Габдулла Тукай сүзләренә язылган җыр сайлап алып, аны башкаруны видеога яздырырга һәм 11 апрельгә кадәр бәйгене оештыручыларга җибәрергә кирәк. Җиңүчеләр катнашындагы концерт 26 апрельдә тамашачыга тәкъдим ителер дип көтелә.
02.04.2026.
