Ѓабдулла Туҡай Тыуѓан еремә

Айырылып китһәм дә һинән ѓүмеремдең таңында мин,
Эй Ҡазан арты! Һиңә ҡайттым һөйөп таѓы ла мин.

Ул таныш ҡырҙар, болондар тартты әүәл хисемде;
Тарта торѓас, ҡуйманы, ҡайтарҙы ахыр үҙемде.

Ҡыҫһа ла һиндә етемлектәр, фәҡирлектәр мине,
Иҙһә лә үҙ иштәремдән хур вә кәмлектәр мине, -

Үтте инде ул замандар, остолар шул ҡош кеүек;
Уйлаһам шул көндәрем тик кистә күргән төш кеүек.

Бәрһә лә тулҡындарың, һис алманы, батырманы;
Алды дүрт яѓымды ялҡын, ялманы, яндырманы.

Был сәбәптән аңланым мин, эй тыуѓан ерем, һинең
Йәнгә яымлы икәндер ялҡының да тулҡының!

Бөтәһе изге икән дә: инешең, шишмәң, ҡырың,
Юлдарың, ауыл, әүен, кәбәндәрең дә ырҙының;

Һәр ҡайһы ваҡытың: яҙың, көҙөң, йәй, ҡыш көнөң;
Барса, барса аҡ ойоҡ, киндер, сабата, ыштырың!

Һәм көтөүсең, эттәрең, үгез, һыйыр, һарыҡтарың;
Барсаһы яҡшы: бүре, ен, шүрәле, ҡараҡтарың.

1907

Башкортчага М.Сираҗи тәрҗемәсе (Г.Тукайның "Туган җиремә" шигыре).

(Чыганак/Источник: Тукай Г.М. Шигырьләр (татар, рус, башкорт, чуваш, удмурт,
мари телләрендә). - Казан: Татар. кит. нәшр., 2011. – 135 б).