ТР
Фәннәр академиясе, ТР Мәдәният министрлыгы, ТР Мәгариф һәм фән
министрлыгы, Галимҗан Ибраһимов исемендәге Тел, әдәбият һәм сәнгать
институты 2011 елның 25 апрелендә Казанның «Корстон» бинасында узачак халыкара фәнни-гамәли конференциягә
чакыра. “Милли мәдәниятлар контекстында Габдулла Тукай мирасы” дип
исемләнгән җыен шагыйрьнең тууына 125 ел тулуга багышлана.
Конференциягә Габдулла Тукайның тормышын һәм
иҗатын өйрәнүнең торышы һәм перспективалары; милләтнең рухи яңарышында
Г.Тукайның роле һәм урыны; Габдулла Тукай — хәзерге татар әдәби теленә
нигез салучыларның берсе һәм әдипнең әсәрләрен өйрәнүнең лингвистик
аспектлары; Габдулла Тукай — әдәбиятта һәм сәнгатьтә; Габдулла Тукай һәм
милли әдәбиятлар белән бәйле сораулар чыгарыла.
иҗатын өйрәнүнең торышы һәм перспективалары; милләтнең рухи яңарышында
Г.Тукайның роле һәм урыны; Габдулла Тукай — хәзерге татар әдәби теленә
нигез салучыларның берсе һәм әдипнең әсәрләрен өйрәнүнең лингвистик
аспектлары; Габдулла Тукай — әдәбиятта һәм сәнгатьтә; Габдулла Тукай һәм
милли әдәбиятлар белән бәйле сораулар чыгарыла.
Конференция барышында өч секция эшлиячәк: әдәбият, тел, фольклор һәм сәнгать.
Әлеге халыкара җыенда 400дән артык кеше катнашыр дип көтелә. Татарстан һәм Россиядән генә түгел, БДБ илләреннән – Әзербәйҗан, Төркмәнстан, Үзбәкстан, Казахстан, Кыргызстан, Беларусь Республикаларыннан, Төркия, Кытай, Румыния кебек ерак чит илләрдән дә галимнәр киләчәк.