Ваһапов фестивале Тукайга багышлана
Казанда яшь башкаручыларның Рәшит Ваһапов исемендәге җиденче халыкара татар җыры фестивале ачылды. Быел фестиваль Габдулла Тукайның тууына 125 ел тулуга багышлана. Концертта конкурсның Гран-при иясе Филүс Каһиров, лауреатлар Айгөл Сагынбаева, Рөстәм Асаев, Айгөл Хәйри һәм башка җырчылар катнашты. Фестивальнең хөрмәтле кунагы – Татарстанның халык артисты, П.Чайковский исемендәге конкурс лауреаты Альбина Шаһиморатова булды.