Асьмелэн егит калык котырласянь данъяськымон!
Визьмыныз но, кужмыныз но, йӧнэныз но — ушъямон.
Бугыръя, утча тодон — выль улонэ выжон понна,
Асьмелы нош сыӵеез ик адями кулэ туннэ!
Асьмеос вадьсын ӝоген чилекъялоз, гудыръялоз:
Малпанзы егитъёслэн зор луыса, муэ усёз!
Гурезьын, возь вылъёсын жальыртозы тулыс вуос.
Эрикмы понна ожъёс гудыртозы инбам тырос!
Калыкмы, курадӟыса лябӟиз ке но, — со мед оскоз:
Жин! вазёз лэчыт кинжал, егит калык оже ӝутскоз!
Сюлэмыз калыкелэн медаз лу буш, медаз лу сись —
Луыны кулэ йӧно — дуно марӟан кадь кисьтаськись!
1912
Удмуртчага Ю.Разин тәрҗемәсе (Г.Тукайның "Татар яшьләре" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш,
удмурт, мари телләрендә). — Казан: Татар. кит. нәшр., 2011. – 135 б).