2024 елның 26 апрелендә, татар шагыйре Габдулла Тукайның (1886-1913) туган көнендә, Казанда Татарстанның Габдулла Тукай исемендәге Дәүләт премиясе лауреатлары игълан ителде. Лауреатларны Татарстан Рәисе Рөстәм Миңнеханов Казан Кремлендә узган тантанада бүләкләде.
2024 елда Габдулла Тукай исемендәге премиягә лаек булды:
— Вайнер Борис Гиршевич – балалар өчен шигърият, проза һәм драматургиягә күпьеллык өлеш керткәне, яшь укучыларга рухи-әхлакый тәрбия биргәне, татар әдәбияты һәм фольклорыннан балалар өчен иң яхшы әсәрләрне тәрҗемә иткәне һәм популярлаштырганы, Татарстанның яшь талантларына иҗади булышлык күрсәткәне өчен;
— Җәмитов Кадим Җәмил улы – татар мәдәниятенең күренекле тарихи шәхесләренә багышлаган скульптур портретлар һәм фигуралар сериясен тудырган өчен;
— Мөдәррисова (Тәминдарова) Миләүшә Әмир кызы – Татарстанның татар хор мәдәниятен үстергән, таныткан һәм саклаган, «Татар хор музыкасы антологиясе» өчен;
— Харрасов Ләис Мәүлит улы (Ләис Зөлкарнәй) – «Узганны кабатлау» китабы өчен.
Фото: tatarstan.ru
26.04.2024. Mincult.tatarstan.ru