Тукайлы ил — Татарстан,
Моң-җырлы ил — Татарстан.
Бүген бездә Тукай көне,
Бәйрәм итә Татарстан.
Кошлар моңлы сайрый бүген,
Кояш көлеп карый бүген.
Кояш кебек Тукай рухы
Назлый бүген илем күген.
«Зиләйлүк»не, «Туган тел»не
Җырлыйбыз без барыбыз да.
Тукай безнең телебездә,
Тукай безнең җаныбызда.
Җаныбызда, каныбызда
Тукай моңы, Тукай теле,
«Туган тел»не җырлый-җырлый
Улын зурлый татар иле.
Тукайлы ил — Татарстан,
Моң-җырлы ил —Татарстан.
Тукай рухлы халкым белән
Мәңге яшә, Татарстан!