Яңалыклар
Татарстан Республикасы Рәисе каршында Татарстан Республикасының Габдулла Тукай исемендәге Дәүләт бүләкләре буенча комиссиясе утырышында 2026 елда премиягә дәгъва итүчеләр исемлеге расланды. Алар арасында театр, кино, музыка, рәсем сәнгате, әдәбият һәм мәдәният әһелләре, иҗат төркемнәре бар.
Мәскәү татарлары автономиясе IV «Тукай иле» иҗади конкурсын игълан итте. Бәйгенең максаты – Габдулла Тукайның иҗади мирасын саклау, шагыйрьнең иҗатын, татар телен һәм әдәбиятын таныту. Конкурс Татарстан Республикасының Россия Федерациясендәге тулы вәкаләтле вәкиллеге ярдәмендә үткәрелә.
Бөек татар шагыйренең юбилее уңаеннан, Татарстан Республикасының Санкт-Петербург шәһәрендә һәм Ленинград өлкәсендәге даими вәкиллеге тарафыннан, сынлы сәнгать һәм Татарстан мәдәниятен сөючеләр арасында «140 ел: Тукай мирасы буяулары» дип исемләнгән рәсем бәйгесе үткәрелә.
Татарстан Дәүләт Советының 19нчы утырышында ТР мәдәният министрының беренче урынбасары Юлия Әдһәмова «Хөкүмәт сәгате» кысаларында 2026 елда Габдулла Тукайның тууына 140 ел тулуга әзерлек һәм бәйрәм итү чаралары турында доклад ясады.
2026 елда Габдулла Тукайның (1886-1913) тууына 140 ел тулу уңаеннан, Татарстан Милли музее Нәҗип Җиһановның (1911-1988) «Кырлай» симфоник поэмасы (1946) белән таныштырачак. Музей директоры Айрат Фәйзрахманов «Татар-информ» агентлыгына сөйләгәнчә:«Бу – киң җәмәгатьчелеккә аз билгеле әсәр,...
Халыкара туган тел көне уңаеннан, Казанның Ш.Мәрҗани исемендәге 2 нче татар гимназиясе укучылары Габдулла Тукай әдәби музеенда иҗади чарада катнашты.
Казанда язучы Галимҗан Гыйльмановның Татарстан китап нәшриятында дөнья күргән «Тукайның мең сере» китабы тәкъдим ителде.
Габдулла Тукайның тууына 140 ел тулу уңаеннан «Тукай дөньясына сәяхәт» республика иҗат конкурсы (7+) игълан ителде.
Рөстәм Миңнеханов Ислам дөньясы оешмасының мәгариф, фән һәм мәдәният мәсьәләләре буенча генераль директоры белән очрашуда Тукай исемендәге Халыкара премияне гамәлгә куярга тәкъдим итте.
Татарстанның Арча районы Яңа Кырлай авылында 2026 елның көзендә Габдулла Тукай әсәрләрендәге персонажларга багышланган «Шүрәнбай» косплей фестивале узачак.
