Татарстанның Арча районы Яңа Кырлай авылында урнашкан Габдулла Тукай әдәби-мемориаль музей-комплексы, Габдулла Тукай исемен йөрткән Әтнә татар дәүләт драма театры белән берлектә, яңа иҗади проект тәкъдим итә.
Музей хәбәренчә, 2023 елдан кунаклар экскурсияне иммерсив форматта тыңлау мөмкинлегенә ия булачак. Мондый программаның үзенчәлеге – экскурсиядә төрле геройлар образында актерлар да катнаша: алар музей экспозицияләре белән таныштырганда шигырьләр сөйли, җырлар башкара.
10.02.2023.