Тек пагыт толкын чалемда да шоҥгемда,
Жап нелытын йымалне капемже сугырга,
Чонемлан нигунам ом пу мый шӱкшемаш,
Кодеш виян да самырык чон, курымаш.
Почеламутын тул ила гын оҥыштем,
Эше кучедалам, сеҥаш ом пу мый шкем,
Муралше чон ок пале телым, лумымат.
Шыҥалтын тушко сылне шошо кумылат.
Тек ий эрта, ом лий мый шоҥгыеп, коча,
Мом юмылташ, ойлаш — шомак арам йонча,
Ом кӱзӧ коҥгамбаке нелын шӱлалташ,
Почеламутын шокшыж ден кӧнем ыраш.
Мый мурым муралтем, толеш гын колымаш,
Эсогыл Азраил толеш вик колышташ.
Шем мландыш вочмо годымат мурем:
«Йолташ-влакем, чеверын! Мый тендам кодем…»
1908
Маричага С.Григорьева тәрҗемәсе (Г.Тукайның "Шагыйрь" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш,
удмурт, мари телләрендә). — Казан: Татар. кит. нәшр., 2011. – 135 б).