Кая шарлен увер вашкен: пайрем, пайрем вет таче!
Кушеч еҥ-шамычын куан? Пайрем, пайрем вет таче!
Лач таче кажне шулдыран, налеш шижмаш пиалым.
Да веселан йоҥга йырваш: пайрем, пайрем вет таче!
Ончем ал кечым: тӱсшым пуйто вашталтен уэшын,
Да кечыйолжо сотырак, — пайрем, пайрем вет таче!
Мый юзо пушым ӱпшынчам, тӱня самырыкештын,
Тӱзланыше, чевер, сӧрал, — пайрем, пайрем вет таче!
Поян нужнам ӧндалын. Мый шоналтышым шиждегеч:
Поян шижмашым ончыктен, — пайрем, пайрем вет таче!
Экер сер ден шогем, вӱд йогын йӱкым колышталын,
Тудат тургыжлана гӱжлен: пайрем, пайрем вет таче!
Мылам пайрем саман мардеж йышт йырымла шыпракын:
«Тый мондо ойгым да ончал: пайрем, пайрем вет таче!»
1908
Маричага С.Григорьева тәрҗемәсе (Г.Тукайның "Бәйрәм бүген" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш,
удмурт, мари телләрендә). — Казан: Татар. кит. нәшр., 2011. – 135 б).