Нош кин ке лулзэ вуза но вазиське буш мылкыдын:
Кошке султанлэн куназ но — эрикез тӥ шедьтоды!
Шаерын югдур секыт ке, ми ум кошке палэнэ!
Палэнын но шпионъёс, дыр, шедёзы уно гинэ!
Мар пӧртэм, казакъёсыд-а шуккалто нагайкаен,
Фескаос — йыръёсазы но, вӧсь каро корт камчаен!
Палэнын но казнаысь, пе, лушкало жиль коньдонэз,
Нош бай мурт — со палэнын но ултйя воргоронэз!
Ай визьмес воксё ӧм ыштэ — вузаны дор-шаермес,
Гомаса ӝуась тыллы нош воштыны дышем тылмес!
Ми кошком, куке каръёс но сьӧрамы вамыштозы,
Кайгуэн тырмем аръёс но, ӝож вапум но кошкозы.
Улонмес шаерамы ик туж потэ ортчытэммы,
Мугорын но, мылкыдын но со борды ми бурмемын!
Эрико шаер Россия сюлэмын котьку улоз,
Ми ум кошке, эн но но ӧте, мыдланес кезьыт лулъёс!
Кылъёсмес гинэ ум шере — гожтӥськом кагаз вылтй:
— Тйледлы отын кельше ке, асьтэос ик мынэ тй!
1907
Удмуртчага С.Матвеев тәрҗемәсе (Г.Тукайның "Китмибез!" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш, удмурт, мари телләрендә). — Казан: Татар. кит. нәшр., 2011. – 135 б).