Сяськаос усьтӥськозы шат, зор ӧз кисьты ке жаль-жаль?
Кылбурчи нош мар кароз на, мылкыдыз ке шу кисаль?
Мар луоз, сое одно ик валасез валалозы,
Байрон, Лермонтов но Пушкин чеберлэсь кудӟылӥзы.
Сюлэмез ке тыл ӧз ӵушка яратон пӧлын быдэс,
Мар меда соку сюлэм но?— огшоры, дыр, сӥль юдэс.
Мальдытйсь синъёсыдлэсь мон кенжытӥ кылбуръёсме.
Зарезьысь марзан уз сайя кылъёслэсь марӟанъёсме!
Кылбурчи-юлтошъёсме, дыр, туж потэ азьпалтэме.
Яратон сюло, тон шула, ну монэ юн кужымен!
Мар мыным эксэйлыкты, пе! Мон солэсь куштйськысал.
Тыл гомась яратонлы нош вар-ляльчи кариськысал.
О, кыӵе ческыт вӧсен со нюлышъя — лушкем тылӝу!
Вань меда, кин валалоз, дыр, сереме монэ уз ӝут?
Яратӥсь муртъёс ичи-а! — но уз ортче, дыр, монэ,
Фархадэн Ширин сярысь но кужмогес яратонэ.
1908
Удмуртчага С.Матвеев тәрҗемәсе (Г.Тукайның "Мәхәббәт" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш,
удмурт, мари телләрендә). — Казан: Татар. кит. нәшр., 2011. – 135 б).