1. И күңелнең шаулап аккан
чишмәдән сафрак чагы!
И гомернең нурланып
&nbsnbsp; үскән яшел яфрак чагы!
2. Юк гамең бернәрсәдән дә,
барча эшләр алда гөл;
Күктә күк төсле зөбәрҗәт
һәм дә баскан җир–ләгыль.*
3. Чәчмәгән җир күк – күңелнең
һәр гүзәлгә бушлыгы,
Тик кояшны, табигатьне
сөюдән хушлыгы!
4. Бар күңел хәдсез, хисапсыз
мәрхәмәт, шәфкатъ тулы,
Санки күңлең – җиргә күктән
иңгүче рәхмәт юлы.
*Ләгыль – кыйммәтле таш.
(Чыганак: Габдулла Тукай шигырьләренә җырлар. Төзүче Исламова Р. — Чаллы, 2011).