ТАТ РУС ENG
Халык Тукайны олылый, бөекли, инде әллә ничә буын аңа иман китереп, күңелен түгә. Ни өчен? Хикмәт нәрсәдә? Һәр милләт, һәр халык — кавеменең исәбе-санына, җиренең зурлыгы-киңлегенә...

Г.Тукай "Зур бәхетләр" ("Эшкә өндәү" шигыре) (Гөлчәчәк көе)

1. Зур бәхетләр сызганып
Эшкә бирелгәннән килә,
Аһ! оят, хурлык,түбәнлекләр
Иренгәннән килә.

Кушымта:

Зур бәхетләр, зур бәхетләр
Эшкә бирелгәннән килә,
Эшкә бирелгәннән килә.

2. И сабыйлар! Эшләгез сез,
Иң мөкаддәс нәрсә – эш;
Эш агачы һәрвакытта
Бик юмарт китрер җимеш.


Кушымта.

3. Яшьлегеңдә күп тырышсаң,
Эшкә бирсәң чын күңел,
Каршыларсың картлыгыңны
Бик тыныч һәм бик җиңел.

Кушымта.

 

(Чыганак: Габдулла Тукай шигырьләренә җырлар. Төзүче Исламова Р. — Чаллы, 2011).


Комментарий язарга


*