Алабугада Тукайга һәйкәл куелачак
Татарстанның Алабуга шәһәрендә татар шагыйре Габдулла Тукайга һәйкәл куелачак. Аның эскизын Мәскәү сынчысы Владимир Демченко эшләгән. Ул Алабугада Бехтерев, Цветаева, Стахеев, нефтьчеләр, Әфган сугышы ветераннары истәлегенә куелган һәйкәлләрнең авторы да. Тукайны бронза сынын 1 нче мәктәп каршында урнаштыру күздә тотыла. Хәзерге вакытта андагы мәйданны төзекләндерү эшләре башланган. Һәйкәлне 2013 елның апрелендә, шагыйрьнең туган көнендә ачарга ниятлиләр.