2014 елның 26 апрелендә татар шагыйре Габдулла Тукай (1886-1913) тууына 128 ел тулды. Ел саен шагыйрьнең туган көне бөтен татар дөньясы өчен зур вакыйга буларак билгеләп үтелә.
Татарстан башкаласы Казанда, күркәм гадәт буенча, бу көн Тукай бакчасындагы шагыйрьнең һәйкәленә чәчәкләр кую белән башланып китте. Әлеге тантанада Татарстан президенты Рөстәм Миңнеханов, күренекле мәдәният һәм сәнгать әһелләре катнашты. Шулай ук “Казан – 2014 елда төрки дөньяның мәдәни башкаласы” бәйрәм программасы ачылышына дип Татарстанга җыелган күрше төрки илләрнең вәкилләре дә Тукай һәйкәленә чәчәкләр салды.
(Фото: М.Хөсәенов, president.tatarstan.ru)