Кыш бабай һәм Тукай әкиятләре геройлары Яңа елга көтә
Казаннан 90 километр ераклыкта урнашкан Арча районының Кырлай авылында татар Кыш бабае белән Кар кызы Яңа елга кунаклар көтә. Декабрь азагыннан башлап, 2014 елның 3 февраленә кадәр биредә Габдулла Тукай әкиятләре геройлары катнашында балалар өчен күңелле бәйрәм чаралары оештырыла. Сабыйлар Кыш бабайның өе, аның көнкүреше белән таныша ала.