Тукай музеенда нинди генә чаралар уздырылмый. Табигатьтә яз исе килә башлауга, анда Карга боткасына әзерләнә башлыйлар. Кем эшләми – шул ашамый дигән принциптан чыгып уза ул. Чарада катнашучы балалар башта музейның һәр залында аерым биремнәр үтәп, бонуслар җыя. Бонус дигәнебез ярмалар салынган кечкенә генә капчыклар. Биремнәр үтәлеп, театрлаштырылган тамашаны караганнан соң, бөтенесе бергә бакчага чыгып, эшәп табылган ярмалардан бөтен тирә-якка хуш исләрен таратып ботка пешерәләр.
Музейга Карга боткасы ашарга киләсеңме?
