2013 елның 3–7 июнь көннәрендә Казанда узачак “Нәүрүз” XI Халыкара тюрки халыклар театр фестивалендә курчак театрлары да катнашачак. Казахстан, Чуашстан, Башкортстаннан иҗат коллективлары киләчәк. Казанның “Әкият” Татар дәүләт курчак театры “Нәүрүз”дә үзенең иң яхшы спектакльләреннән берсе, сезон премьерасы – Габдулла Тукайның “Кәҗә белән Сарык” әкияте буенча куелган мюзикл күрсәтәчәк.
