Татар морзалары Тукайга һәйкәл куярга тели
Башкортстанның Татар морзалары җыены Уфада татар шагыйре Габдулла Тукайга һәйкәл кую тәкъдиме белән чыкты. Татар морзалары мәҗлесенең рәисе Максат Мәмлиев хәбәр иткәнчә, морзалар бу мәсьәлә белән шөгыльләнүче эшче төркем булдырган. Инде һәйкәлнең проектын эшләгән, аны Уфаның Тукай урамында куярга телиләр. “Башинформ” агентлыгы язганча, “2015 елга без бу мәсьәләне хәл итәргә өметләнәбез”, – дип белдерә Максат Мәмлиев.