Казанның Габдулла Тукай әдәби музее яңа ел бәйрәмнәре чорында һәм, гомумән, 2014 елның беренче аенда балаларны һәм өлкәннәрне музейга кунакка чакыра. Музейда төрле бәйрәм чаралары, әдәби-музыкаль кичәләр һәм иҗади очрашулар үтәчәк.
3 гыйнварда Г.Тукай музеенда балалар өчен Яңа ел чыршысы оештырылачак. Музейга килгән сабыйларны Шүрәле һәм Кыш бабай каршы алачак.
8 гыйнварда (14.00 сәг.) «Язучылар йортында чыршы» әдәби-музыкаль кичәсе булачак.
8 гыйнварда — «Печән базары, яхуд Яңа Кисекбаш» поэмасы 105 еллыгына багышланган күргәзмә кысаларында музей чарасы.
15 гыйнварда (18.00 сәг.) — «Кичәге турында — бүген» әдәби-музыкаль кичәсе.
29 гыйнварда (14.00 сәг.) — Язучы-фронтовик Ф.Яруллин 90 еллыгы уңаеннан «Бөтнек исе» исемле әдәби-музыкаль кичә.
31 гыйнварда (14.00 сәг.) — композитор Ф.Яруллин 100 еллыгына багышланган әдәби-музыкаль кичә.
Шулай ук заявкалар буенча Г.Тукай музеенда «Шамил йорты серен ач», «Сезне «Мияубикә» чакыра», «Шүрәле туган көне», «Дуслар — китаплар» кебек музей дәресләре һәм экскурсияләр уздырылачак.