Тукай туган көндә зур мәдәни чаралар көтелә
2014 ел Россиядә Мәдәният елы дип игълан ителде, бу уңайдан Татарстанда да зур бәйрәм чаралары үткәрү күздә тотыла. Алар 26 апрельдә, Габдулла Тукай туган көндә башланып китәчәк. Бу көн гадәттә республикада Туган тел көне буларак билгеләп үтелә. Казан вакытлыча төрки дөнья башкаласына әвереләчәк, — халык театрлары спектакльләр күрсәтәчәк, күргәзмәләр, кинофестивальләр узачак, барысы да югары дәрәҗәдә оештырылыр дип көтелә.