* * *
Уңга да мин әйләнәм, сулга да мин әйләнәм;
Бай алдында җәдит күрсәм, «Син кяфер» дип бәйләнәм.
(«*** («Уңга да мин әйләнәм, сулга да мин әйләнәм…»)». — «Ялт-йолт»ның 1911 елгы 23 нче (4 июнь)нында рәсем асты рәвешендә имзасыз басылган. Беренче тапкыр икенче Дүрттомлыкның 2 нче томына (1976) кертелгән.
«Ялт-йолт»ның 8 нче битендә чалмалы бер җил тегермәне ясалган. Шигырьдә әләк белән җөдид мәктәпләрен яндырып, яптырып, мөгаллимнәрен сөргенгә җибәрткәндә, иске карашлы муллаларның ике яклы роль уйнауларына ишарә ителә.
Текст «Ялт-йолт»тан алынган.
(Чыганак: Әсәрләр: 6 томда/Габдулла Тукай. – Академик басма. 2 т.:
шигъри әсәрләр (1909–1913)/ төз., текст., иск. һәм аңл. әзерл.
З.Р.Шәйхелисламов, Г.А.Хөснетдинова, Э.М.Галимҗанова, З.З.Рәмиев. –
Казан: Татар. кит. нәшр., 2011. – 384 б.)).