ТАТ РУС ENG
Халык Тукайны олылый, бөекли, инде әллә ничә буын аңа иман китереп, күңелен түгә. Ни өчен? Хикмәт нәрсәдә? Һәр милләт, һәр халык — кавеменең исәбе-санына, җиренең зурлыгы-киңлегенә...

Бүре хакында

Бүре падишаһ Арысланнан Сарыкларга башлык булырга риҗа итте. Һәм Төлке дустының тырышлыгы аркасында, Бүренең гарзы хале ана Арыслан (сәййидәтес-солтан) аркылы Арысланга җиткән иде.

Арыслан, әлбәттә, Бүренең кан эчкүче залимлеген күп ишеткән булырга кирәк: тиз генә Бүрегә бу вазифаны бирмәскә теләп, тәфтиш итмәк өчен, Юлбарыс, Кәркедән, Фил, Кабан дуңгызы кебиләрне каршына чакырып: «Сез Бүрене ничек дип беләсез?» — дип сорашты.

Бу хайваннар һичберсе үзләренә Бүренең золымы тимәгәнлегене сөйләгәч, Арыслан Бүрене сарык абзарына башлык итеп куйды.

Әмма Сарыклар ни әйтәләр? — Моны сораган кеше дә юк. Дөрестен әйткәндә, бу тугрыда иң элек Сарыкларның фикерен сорашырга кирәк иде.

 

Риҗа итү — үтенү.

Гарзы халь — үтенеч.

Сәййидәтес-солтан — патша хатыны.

Тәфтиш итмәк — тикшерү.

Кәркедән — крокодил.

 

(Чыганак: Тукай Г. Сайланма әсәрләр: шигырьләр, поэмалар һәм чәчмә әсәрләр. – Казан: Татар. кит. нәшр., 2003. – 480 б.)
 

Г.Тукайның тормыш һәм иҗат елъязмасы: 1906 ел

 


Комментарий язарга


*