Мыланна пуста шомакым каласа чоя чоман:
Кайыза султан дек, тыште огыда лий эрыкан!
Шочмо мланде керек кочо, йот кундемыш она кай!
Лу шпион олмеш ме лучкым тушто муына кӱ гай!
Ойыртем могай: казак-влак чот нагайке ден руат,
А казак сарзет фескан гын, раш: камча кодеш камчак!
Тау Юмылан! Йот велыштат тич шолыштшо казнам!
Тушто бай-влак шыде улыт, шупшын налыт курикам!
Ме орадын койына мо, шочмо элым кудалташ,
Шке суртпече гычын лектын, йот кундемышке куржаш?!
Каена, кунам ола-влак пеленна пырля каят,
Кочын тергыше мемнам, гӱжлышӧ, лыҥ курым-влак.
Шочмо кече тыч тӱҥалын, эн пытартыш тат мартен
Ты шнуй мландыште вожаҥна, ик рӱданыш савырнен.
Эрыкан Россий элнаже — шонымаш эн тӱҥ тугак.
Огына кай, те ида ӱж, чояланыше шӱм-влак!
Вашмутна мемнан пеш кӱчык: шочмо мландын шерге ак,
Йот кундемыште пеш сай гын, тарваналза, тӧра-влак!
*Тиде почеламут Думышто пурла депутат–влакын да тыгак савыктышыште татар–влаклан Турцийыш каяш темлыме торжа выступленийышт деч вара возалтын.
1907
Маричага С.Григорьева тәрҗемәсе (Г.Тукайның "Китмибез!" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш, удмурт, мари телләрендә). — Казан: Татар. кит. нәшр., 2011. – 135 б).