Кытын цензура, ултӥян,
Ляльчи кельтон, уллян, шальтран?
Валантэмъёс туж кыдёке
Кошкылӥзы ваньмыз туэ.
Бигер-а, ӟуч-а, адӟимы:
Ваньмы одйг кадь луимы.
Эрик шӧмез но тодӥмы
Зипун, айшет туннэ дӥсьмы.
Цензуро комитет — пытсам,
Гордэз чернила трос луэм,
Куашкаллязы ни со бӧрсьы
Черниль гюттон заводъёсмы.
Ожъёс пыр тросэз ортчизы,
Джигитъёсмы кулылйзы,
Дунне тодоз, виренызы
Эрик узьым киськадлязы.
Нош студентъёс — арысланъёс —
Зэмлык понна бырылӥзы,
Дандэс утён понна соос
Чик кышкатэк ожмаськизы.
Ӧз кышкалэ, соос котьку
Кырӟан гурен мынылӥзы,
Лулзэс сётон дыръя ноку
Ӧӟ бӧрдэлэ — серекъязы.
Чалмыт ӧвӧл ни улоно —
Печать ӧвӧл баммы вылын,
Асьсэ уӵыоссэс туннэ
Кылзйськыны кутскиз калык.
*
Тылыосмы, эркын визьмы,
Кыдам андан кадь пиосмы.
Ми данъяськом быремъёсмес,
Леклы пумит ӝутскемъёсмес.
Лулдэс сётэм батыръёсмы,
Котьку тӥлед йыбырттомы!
Тӥни пиштэ яркыт тылыз,
Эрикмылэн ӟардонъёсыз.
1905
Удмуртчага А.Диева тәрҗемәсе (Г.Тукайның "Хөррият хакында" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш, удмурт,
мари телләрендә). — Казан: Татар. кит. нәшр., 2011. – 135 б).