Ивор вӧлме шаплы, шаплы: туннэ шулдыръяськон нунал!
Шумпотонэн пачыл калык! Туннэ шулдыръяськон нунал!
Туннэ котькуд адямиез бурдъяськытэ егит мылкыд.
Шулдыр вазе сазлэн сиез: туннэ шулдыръяськон нунал!
Кыӵе яркыт пиштэ шунды! Выльдэремен со дӥсяськем,
Тылсиоссэ кисьтэ шырыт: туннэ шулдыръяськон нунал!
Ческыт зынэз шокыштӥсько, — дунне сыӵе егит туннэ,
Выль буёлэн со кисьтаське: туннэ шулдыръяськон нунал!
Бай мурт веша куанер муртэ. Пушкам улӟе малпан кидыс:
Эх, лӧптэмын ук бай муртэд, — туннэ шулдыръяськон нунал!
Ярдур вылын мон сылӥсько, нош ву бызе жальыртыса,
Со кужмысьтулкымъяське: туннэ шулдыръяськон нунал!
Шулдыръяськон нунал пыртӥ тӧл шыпыртэ пелям шыпыт:
«Сюлэмшугдэ тон сэрпалты: туннэ шулдыръяськон нунал!»
1908
Удмуртчага С.Матвеев тәрҗемәсе (Г.Тукайның "Бәйрәм бүген" шигыре).
(Чыганак/Источник: Тукай Г.М. Шигырьләр (татар, рус, башкорт, чуваш, удмурт,
мари телләрендә). — Казан: Татар. кит. нәшр., 2011. – 135 б).