Яңалыклар

Татарстанның Габдулла Тукай исемендәге Дәүләт премиясе буенча ТР Рәисе каршындагы комиссия 2023 елда әлеге дәрәҗәле премиягә дәгъва кылган кандидатлар исемлеген раслады. 

Татарстанның Менделеевск шәһәрендәге йортларның берсен тиздән татар шагыйре Габдулла Тукай иҗатына багышланган рәсем бизәп торачак.

Казанның Габдулла Тукай әдәби музеенда «Тукай хәятына чумып…» дип исемләнгән кичәдә Әхмәт Фәйзинең тормыш юлы, аның турында истәлекләр сөйләделәр һәм әдипнең әсәрләрен яңгыраттылар.

Габдулла Тукайның 1909 елда язылган «Туган тел» шигыренә Казанда һәйкәл куелачагы игълан ителгән иде. Шул һәйкәлнең эскизы тирәсендә бәхәсләр дәвам итә.

Шагыйрь Габдулла Тукайга багышланган сәнгатьле укучылар халыкара бәйгесе ТР Мәдәният, Мәгариф һәм фән министрлыклары, Федераль татар милли-мәдәни автономиясе ярдәме белән Татарстанның Театр әһелләре берлеге тарафыннан 2011 елдан үткәрелә. 2016 елда ул халыкара статус алды.

22 һәм 29 мартта Казанның Габдулла Тукай әдәби музеенда «Карга боткасы» бәйрәме оештырылачак.

Чиләбе өлкәсе Троицк шәһәренең Мәдәният сараенда төрки иҗат коллективларын җитәкләгән Гөлнара Нәҗимова шәһәр үзәгендәге Тукай һәйкәле тирәсен кардан чистарткан.

Ижевскида Габдулла Тукайның туган көненә һәм шагыйрь Риза Шәфинең тууына 100 ел тулуга багышланган төбәкара балалар әдәби-музыкаль бәйгесе игълан ителде.

Башкортстанның «Мәҗит Гафури – XXI гасыр» иҗтимагый мәдәният фонды советы рәисе Люция Камаева Уфада Габдулла Тукай белән язучы һәм шагыйрь Мәҗит Гафури очрашуына багышланган һәйкәл куярга мөмкинлекләр эзләве турында хәбәр итте.

Бөтендөнья татар конгрессы танылган җырчы һәм гармунчы, Татарстанның һәм Башкортстанның халык артисты Фән Вәлиәхмәтовны 2023 елда Татарстанның Габдулла Тукай исемендәге дәүләт бүләгенә тәкъдим иткән.