Яңалыклар
Казан дәүләт циркы Татарстан Мәдәният министрлыгы ярдәме белән Габдулла Тукайның әкиятләре һәм шигырьләренә нигезләнгән беренче милли театраль-цирклы спектакль әзерли. Премьера Татарстанда Туган тел көнендә – 26 апрельдә узачак.
2024 елда Татарстанның Габдулла Тукай исемендәге Дәүләт премиясенә дәгъва иткән кандидатлар исемлеге билгеле.
19 февральдән 12 апрельгә кадәр Казанда Габдулла Тукай исемендәге XIV Халыкара сәнгатьле укучылар бәйгесе уза. Быелгы конкурсның темасы – «Ватан өчен яшәү – безнең бурыч!» (Илдар Юзеев).
«Мәгариф» һәм «Гаилә һәм мәктәп» журналлары редакцияләре бөек татар шагыйре Габдулла Тукайның тормыш юлына һәм иҗатына багышланган «Моңлы саз чыңнары» (3+) конкурсын уздыра.
«Гаилә һәм мәктәп» һәм «Мәгариф» журналлары редакциясе күренекле татар шагыйре Габдулла Тукайның иҗатына багышлап «Тукай әкиятләре дөньясында» дип исемләнгән рәсемнәр һәм эшләнмәләр бәйгесе игълан итте.
15-16 апрельдә Казанның Габдулла Тукай әдәби музеенда «Тукай укулары-2024» Бөтенроссия фәнни конференциясе була. Фәнни җыенда Россия һәм төбәк әдәбияты, тарихын өйрәнүнең актуаль проблемалары, әдәби музейлар үсеше, мәдәни мирасны саклау мәсьәләләре тикшереләчәк.
Арча районының «Казан арты» музеенда рәссам һәм шагыйрь Хәмит Латыйповның «Тукайга багышлау» исемле күргәзмәсе ачылды, дип хәбәр итә «Арча-информ». Рәссамның милли рух белән сугарылган сынлы сәнгать әсәрләреннән торган күргәзмәсе алдагы ике ай дәвамында эшләячәк.
Быел Татарстанның Арча районындагы Яңа Кырлай авылында шагыйрь Габдулла Тукайның әдәби-мемориаль музей комплексы объектларын берләштергән «Тукай эзләре буйлап» туристик маршрутын төзекләндерүгә республика бюджетыннан 233,2 миллион сум бүленәчәк.
Татарстан Милли музее һәм Габдулла Тукай әдәби музее мәктәп укучылары арасында «Ядкярләрдә Тукай рухы» Бөтенроссия әдәби бәйгесен игълан итте.
27 февральдә Татарстанның Арча районы Яңа Кырлай авылындагы Габдулла Тукай әдәби-мемориаль музеенда Халыкара туган тел көненә багышланган кичә узды.
